◆阿 娟

天冷了，我习惯辣书桌浪摆一盆水仙。勿需要复杂打理，只要一碟清水、几粒鹅卵石，就能让房间里清清爽爽，搿就是水仙顶好看个样子。对我来讲，养水仙不光是莳花弄草，更像是跟时光温温柔柔相守，看伊从干瘪瘪个球茎，慢慢抽芽、长叶、开花，每个阶段侪蕴含着治愈人心个魔力。

挑水仙球茎是第一步，也是顶顶关键个一步，我总要到花市里仔仔细细挑。好个球茎个头饱满、掂在手里沉笃笃，呒没破损、呒没霉点，用手轻轻捏一捏，能感到里头斜气紧实。挑好个球茎拿回家，先拿清水冲干净，再用消过毒个小刀轻轻剥脱外层干皮。假使球茎浪向有侧芽，就看自家欢喜决定留不留，留侧芽能开更多花，不过要当心养分分配，避免跟主茎争抢养分，影响主茎生长。

处理好个球茎要做“刻芽”，搿一步要当心，用小刀辣球茎顶端芽眼个两侧，顺着鳞片个纹路轻轻划两道浅口，勿要伤到芽体，然后剥脱表层个薄皮，让芽眼清清爽爽露出来。刻好个球茎勿能马上浸到水里，要先摆到通风阴凉个地方晾半天，等伤口收干再上盆。

上盆辰光，我欢喜用浅口个瓷碟，既好看又方便观察水质。先辣碟子底铺几粒鹅卵石，既能固定球茎，又能多几分野趣。拿球茎摆到鹅卵石浪，加清水，水位刚刚好没过球茎底部就好，千万勿要水太多，否则球茎要烂脱个。摆个位置也有讲究，水仙欢喜晒太阳，要摆到阳光充足个地方，每天保证四到六个钟头个光照，叶片才能长得挺拔结实，花开得也更加旺盛。

养护过程里，换水是顶重要个环节。一开始隔两天换一趟水，等根系长出来了，就改成每天换水。换水辰光轻轻晃一晃瓷碟，拿旧水倒脱，再加清水，水温最好跟室温差勿多，勿要用冷水刺激根系。水仙勿需要施肥，清水养护就可以了，要是想让花开得更大更艳，可以辣开花前一个礼拜左右，辣水里滴一两滴专门个花卉营养液，不过量一定要少，多了要伤球茎个。

经过我个细心照料，一个礼拜之后，球茎顶端就冒出嫩绿色个芽尖，像一个个小小个惊叹号；再过几天，芽尖舒展开来变成翠绿挺拔个叶片；大概一个月之后，叶丛里就抽出细细个花箭，花箭顶端挂着小小个花苞，像一串串绿色个珍珠。搿辰光凑上去闻一闻，就能闻到一股淡淡个清香。

春节前后，水仙就会开花了。雪白个花瓣像漏斗一样，当中是金黄色个副冠，像小小个酒盏，精致又典雅。盛开个水仙，香气满溢，散到整个房间里，让人觉着清清爽爽。每次累了烦了，我就会静静看搿盆水仙，看伊精神抖擞开花个样子，心里个烦躁就一扫而空了。

水仙个花期勿长，大概只有半个月，不过伊用短暂个开花，为寒冬带来生机和希望。花谢之后，球茎个养分也差不多用光了，我会好好收起来，等明年再试试看培育。有人讲水仙“花开一季，落寞一年”，不过我觉着，就是这份短暂个美好，才更让人懂得珍惜。